اسلام آباد: شهيد ذوالفقار علي ڀٽو جي عدالتي قتل خلاف صدارتي ريفرنس تي ٻڌڻي دوران چيف جسٽس قاضي فائز عيسيٰ سوال ڪيو آهي ته ذوالفقار علي ڀٽو کي ڦاهي ڏيڻ واري فيصلي ۾ سپريم ڪورٽ قصور وار آهي يا مارشل لا ايڊمنسٽريٽر؟
پيپلزپارٽي جو چيئرمين بلاول ڀٽو زرداري، آصفه ڀٽو زرداري ۽ صنم ڀٽو عدالت ۾ پيش ٿيا
سپريم ڪورٽ فاطمه ڀٽو ۽ ذوالفقار ڀٽو جونيئر جي وڪيل کي به ڌر ٿيڻ جي اجازت ڏئي ڇڏي
چيف جسٽس قاضي فائز عيسيٰ جي سربراهي ۾ 9 رڪني لارجر بئنچ صدارتي ريفرنس جي ٻڌڻي هلائي
رضا رباني صنم ڀٽو، بختاور ۽ آصفه جي وڪيل طور عدالت ۾ پيش ٿيو، عدالت پاران معاون مقرر ڪيل زاهد ابراهيم معاونت کان معذرت ڪري ڇڏي
زاهد ابراهيم چيو ته ذوالفقار علي ڀٽو جي پوٽي ذوالفقار ڀٽو جونيئر ۽ پوٽِي فاطمه ڀٽو مون کي پنهنجو وڪيل مقرر ڪيو آهي
عدالتي معاون مخدوم علي خان دليل ڏيندي چيو ته صدارتي ريفرنس ۾ هڪ غلط فيصلي کي غلط قرار ڏئي تاريخ جو ريڪارڊ درست ڪرڻ جي استدعا ڪئي وئي آهي
عدالت ٻڌڻي فيبروري جي ٽئين هفتي تائين ملتوي ڪري ڇڏي