اسلام آباد (بيورو رپورٽ) پاڪستان ۾ 61 سيڪڙو پيئڻ جو پاڻي هاڃيڪار هجڻ جو انڪشاف ٿيو آھي، پاڪستان ڪائونسل آف ريسرچ اِن واٽر طرفان پاڻي بابت ڇرڪائيندڙ رپورٽ جاري ڪئي وئي آھي
رپورٽ ۾ چيو ويو آهي ته غيرمحفوظ پاڻي جي واهپي سان ڪينسر جي ڪيسز ۾ واڌ ٿي رهي آهي، پاڪستان ۾ پاڻي 61 سيڪڙو هاڃيڪار ۽ رڳو 39 سيڪڙو پيئڻ جوڳو قرار ڏنو ويو آھي، وفاقي وزير اسد عمر چيو آهي ته اسلام آباد جي هر ٽئين گهر ۾ ڪينسر جو مريض نظر اچي رهيو آهي، جنهن جو ڪارڻ پاڻي ۾ سيکيو ٿي سگهي ٿو
