ڪراچي/لاهور/ اسلام آباد(نمائندن وٽان) عورت مارچ پاران افغانين جي ملڪ بدري خلاف ڪراچي، ملتان، لاهور ۽ اسلام آباد ۾ مظاهر ا ڪيا ويا، ڪراچي پريس ڪلب آڏو مظاھرو کي غزاله شفيق، منيزه ۽ ٻين خطاب ڪندي چيو ته افغانين جي ڏيهه نيڪالي واري سرڪاري الٽيميٽم ۾ باقي ٻه ڏينهن بچيا آهن
ڪيترائي افغان مهاجر پاڻمرادو ملڪ ڇڏي ڏيهه وڃي چڪا آهن، هنن چيو ته سنڌ ۾ پوليس پاران پي او آر ھجڻ باوجود ڪيترن افغاني مردن ۽ عورتن کي گرفتار ڪيو ويو آھي، جڏهن ته افغاني عورتن سان غيرانساني سلوڪ ڪيو پيو وڃي
هنن چيو ته 40 سالن کان ھتي رھندڙ افغانين جا پٽ ۽ ڌيئرون اسڪولن ۾ پڙھن ٿيون، انھن کي واپس افغانستان اماڻڻ جو مطلب کين موت جي سزا ڏيڻ برابر آھي
افغانستان ۾ عورتون آزاد ناھن، کدڙن فقيرن جي حقن لاءُ جاکوڙيندڙ شھزادي راءِ چيو ته سنڌ ۾ 280 افغاني کدڙا فقير رھن ٿا، جيڪي افغانستان موٽڻ جي صورت ۾ قتل ٿي ويندا، ھنن مطالبو ڪيو ته افغانين کي واپس اماڻڻ وارو فيصلو واپس ورتو وڃي
