اسلام آباد (بيورو رپورٽ) وزيراعظم جو موقف آهي ته افغانستان جي صورتحال خراب ٿيڻ جي نتيجي ۾ پنهنجون سرحدون سيل ڪرڻ جو سوچي سگهون ٿا، سڌ سماءَ جي وفاقي وزير فواد چوڌري چيو آهي ته افغانستان جو استحڪام پاڪستان لاءِ انتهائي اهم آهي، پاڪستان افغان طالبان کي امريڪا ۽ افغان سرڪار سان ڳالهين تي راضي ڪيو، چين ۽ امريڪا وچ ۾ ڇڪتاڻ گهٽائڻ لاءِ پاڪستان پهرين به ڪردار ادا ڪيو، هاڻي به اُن حوالي سان ڪردار ادا ڪرڻ لاءِ تيار آهيون.
