نئين دهلي(دلچسپ نيوز) ريل اوچتو ابتو هلڻ شروع ڪري ڏنو، مسافرن جون دانهون نڪري ويون. پرڏيهي خابرو اداري جي رپورٽ موجب ڀارتي شهر ٽاٽا نگر کان ڀونيشور ويندڙ ڪرانتي ايڪسپريس ۾ انوکو واقعو پيش آيو. ريل اسٽيشن تي بيهاري وئي ۽ ڪجهه منٽن بعد ان وري ابتو هلڻ شروع ڪري ڏنو، مسافرن ريل ابتو هلندي ڏسي رڙيون شروع ڪري ڏنيون،
ڪجهه مسافرن لهڻ جي پڻ ڪوشش ڪئي. ريل ۾ افراتفري ڏسي ريلوي اختيارين مسافرن کي اعتماد ۾ ورتو ۽ ريل پوئين اسٽيشن وڃڻ بابت آگاهه ڪيو. ريلوي اختيارين جو چوڻ هو ته ريل ۾ سوار هڪ مسافر عورت جي طبيعت خراب ٿيڻ سبب ريل کي پوئين اسٽيشن ڏانهن اماڻيو ويو ڇاڪاڻ ته اتي اسپتال جي سهولت موجود هئي.