ڪرغزستان جي راڄڌاني بشڪڪ مان سنڌ واسي 205 شاگرد پي آءِ اي جي پهرين اڏام ذريعي ڪراچي پهچي ويا
وڏي وزير مراد علي شاهه ڪراچي ايئرپورٽ پهچي شاگردن ۽ شاگردياڻين جي آجيان ڪئي، واپس آيل شاگردن ۾ 55 شاگردياڻيون شامل، بشڪڪ مان واپس پهتل شاگردن مان 99 جو تعلق ڪراچي ۽ باقي جو ٻين ضلعن سان آهي
وڏي وزير مراد علي شاهه جو چوڻ آهي ته سنڌ جا 180 شاگرد اڃا تائين بشڪڪ ۾ موجود آهن، جن ۾ 6 معمولي زخمي شاگرد به شامل آهن
وڏي وزير جو چوڻ هو ته رهيل شاگردن جي واپسيءَ لاءِ سنڌ سرڪار خصوصي جهاز اماڻڻ جو سوچي رهي آهي، وفاقي سرڪار ۽ ٻين ادارن سان به رابطي ۾ آهيون
وڏي وزير چيو ته بشڪڪ مان واپس آيل شاگردن جي تعليم جاري رکڻ بابت به قدم کڻنداسين، وفاقي سرڪار سان ان سلسلي ۾ مشاورت هلي رهي آهي