غزه(م ڊ) اسرائيلي فوج انصاف جي عالمي عدالت جا حڪم ٿڏي ڇڏيا، عالمي عدالت پاران فلسطين ۾ فوجي آپريشن روڪڻ جي حڪمن باوجود اسرائيلي فوج جي غزه ۽ رفاح ۾ بمباري جاري رکي، عدالتي فيصلي جي ڪجهه ڪلاڪن بعد ڪالهه صبح جو ئي اسرائيلي فوج غزه جي پٽي تي بمباري شروع ڪري ڏني، رفاح جي مختلف علائقن تي به بمباري ڪئي وئي جنهن ۾ 46 فلسطيني شهيد ٿي ويا، اسرائيلي فوج ۽ حماس وچ ۾ وقفي وقفي سان چڪريون ٿينديون رهيون، گذريل ڏينهن انٽرنيشنل ڪورٽ آف جسٽس اسرائيل کي غزه ۽ رفاح ۾ فوجي ڪارروائيون بند ڪرڻ جو حڪم ڏنو هو، اسرائيلي جنگي ڪابينا جي وزير بيني گينٽز جو چوڻ آهي ته حماس پاران يرغمال بڻايل اسرائيلي شهرين جي بازيابيءَ تائين غزه ۽ رفاح ۾ حملا جاري رکيا ويندا. اسرائيل عالمي عدالت جي حڪم کي چڙ ڏياريندڙ ۽ نفرت انگيز قرار ڏئي ڇڏيو
