ڪراچي: ڪورنگي ۾ پئٽرول سان ڀريل ٽينڪر ڪلٽي ٿي پيو، شهرين روڊ تي هاريل پئٽرول ٿانون ۾ ڀرڻ شروع ڪري ڇڏيو
ويٽا چورنگي تي حادثي سبب 30 هزار لٽر پئٽرول روڊ تي هارجي ويو، ماڻهو ٿانون ۾ پئٽرول جمع ڪرڻ ۾ مصروف ٿي ويا
خطرناڪ صورتحال باوجود پوليس ۽ انتظاميا غائب رهي، اکين ڏٺن شاهدن موجب پئٽرول سان ڀريل ٽئنڪر تيز رفتاري سبب ڪلٽي ٿي پيو
جنهن جي نتيجي ۾ ويٽا چورنگي کان سنگر چورنگي تائين روڊ تي پئٽرول هارجي ويو، جڏهن ته پوليس بعد ۾ پهچي صورتحال تي ڪنٽرول ڪيو، ان کان اڳ ملڪ جي مختلف شهرن ۾ پيٽرول هارجڻ بعد خوفناڪ واقعا پيش اچي چڪا آهن