وزير اعظم شهباز شريف آرمي چيف سان گڏ بلوچستان جي دوري تي پهتل آهي، جتي هُن مختلف تقريبن کي خطاب دوران بلوچستان جي ترقي نه ڪرڻ جو ڪارڻ ڀارت ۽ ٻين کي قرار ڏنو
ڪوئيٽا: وزيراعظم شهباز شريف چيو آهي ته اسان جو اوڀر وارو پاڙيسري نه ٿو چاهي ته بلوچستان ۽ پاڪستان ترقي ڪري، پاڪستان ڊفالٽ جي خطري مان ٻاهر نڪري آيو آهي
هن چيو ته ڏکئي وقت ۾ جن دوست ملڪن مدد ڪئي انهن جو تحفظ ڪرڻ اسان جو فرض آهي
گوادر ۾ تقريب کي خطاب دوران وزيراعظم چيو ته گذريل حڪومتي دور ۾ گوادر جا ترقياتي ڪم روڪيا ويا
هن چيو ته گوادر کي دنيا جو نمبر ون سي پورٽ بڻائينداسين، پرڏيهي سيڙپڪارن کي تحفظ فراهم نه ڪنداسين ته پاڪستان ۾ ڪو به سيڙپڪار نه ايندو