ٽنڊومحمد خان (رپورٽ: امتياز مڱريو) ٽنڊو محمد خان ۾ حيدرآباد پوليس پاران مين پڙي ۽ گٽڪي جي ڪارخاني تي ڇاپو، هوائي فائرنگ، مزاحمت دوران پٿراءُ، عورت اي ايس پي سميت 7 اهلڪار 2 ڪلاڪ يرغمال، آءِ جي سنڌ نوٽيس ورتو، 35 جوابدارن خلاف ڌار ڌار ڪيس داخل، ان ڏس ۾ ٽنڊو محمد خان جي لاکاٽ واري علائقي 70 موري ۾ حيدرآباد جي ڊي آءِ جي پاران جوڙيل اسپيشل ڇاپا مار ٽيم اي ايس پي حيدرآباد علينا راڄپر جي اڳواڻي ۾ مين پوڙي ۽ گٽڪي جي ڪارخاني تي ڇاپو هڻي 10 ڪروڙ رپين جي ماليت کان وڌيڪ جو مين پوڙي ۽ گٽڪي ۾ استعمال ٿيندڙ سامان سوپاريون زهريلو ڪيميڪل، مشينري ۽ ٻيو سامان برآمد ڪرڻ جي دعويٰ ڪئي، ڇاپي دوران جوابدارن مزاحمت ڪري هوائي فائرنگ ۽ پٿراءُ ڪري اي ايس پي حيدرآباد ڪينٽ علينا راڄپر سميت 7 پوليس اهلڪارن کي 2 ڪلاڪن تائين يرغمال بڻائي ڇڏيو، اطلاع تي ڊي آءِ جي حيدرآباد سيد پير محمد شاھ حيدرآباد ڊويزن جي 5 ضلعن جي پوليس نفري ڳوٺ 70 موري پهچي وئي ۽ علائقي جو گهيراءُ ڪري يرغمال بڻيل اي ايس پي علينا راڄپر ۽ ٻين پوليس اهلڪارن کي ڇڏائي ورتو، پوليس ۽ منشيات فروشن وچ ۾ ٿيل مزاحمت دوران گوليون ۽ پٿر لڳڻ ڪري 7 پوليس اهلڪار ارباب علي ، ظفر علي ميرجت ، محمد رفيق ، يونس علي ، ساجد علي ، غلام قاسم ۽ رحيم زخمي ٿي پيا، جن کي اسپتال منتقل ڪيو ويو.
