وزيراعظم عمران خان پينڊورا پيپرز جي اعليٰ سطحي جاچ لاءِ سيل قائم ڪري ڇڏيو.
وزيراعظم عمران خان جي صدارت هيٺ ترجمانن جو اجلاس ٿيو، اجلاس ۾ وزيراعظم عمران خان پينڊورا ليڪس جي جاچ جو حڪم ڏيندي اعليٰ سطحي سيل قائم ڪري ڇڏيو.
سماجي رابطن جي ويب سائيٽ ٽوئيٽر تي وفاقي وزير فواد چوڌري لکيو ته ، پينڊورا ليڪس جي جاچ لاءِ وزيراعظم عمران خان ، وزيراعظم انسپيڪشن ڪميشن تحت اعليٰ سطح جو جاچ سيل قائم ڪيو آهي.
سُڌ سماءَ واري وفاقي وزير چيو ته ، اعليٰ سطحي جاچ سيل پيڊورا ليڪس م شامل سمورن ماڻهن کان جواب طلب ڪندو. پينڊورا ليڪس بابت حقيقتون قوم جي سامهون آنديون وينديون.
ذريعن موجب ايف آءِ اي، نيب ۽ ايف بي آر ۽ اينٽي ڪرپشن پينڊوراليڪس ۾ آيل ماڻهن بابت جاچ ڪندي.
ياد رهي ته پينڊورا پيپرز ۾ 700 کان وڌيڪ پاڪستانين جون آف شور ڪمپنيون سامهون آيون آهن.
