ڪراچي (اسٽاف رپورٽر)هندي سمنڊ ۾ طوفان برپا ٿيڻ بعد سنڌ جي وڏي وزير مراد علي شاهه جي صدارت هيٺ هنگامي اجلاس، سامونڊي طوفان ۽ اُن جي اثرن جو جائزو ورتو ويو، آبپاشي کاتي ڪوٽڙي بئراج ريجن ۾ ايمرجنسي لاڳو ڪري ڇڏي، ايگزيڪيوٽو انجنيئر ڪوٽڙي بئراج کي پنهنجو هيدڪوارٽر عارضي طور ٺٽو منتقل ڪرڻ جي هدايت، سموري عملي کي به هيڊڪوارٽر ۾ ڊيوٽي تي موجود رهڻ جو حڪم، ٺٽي ضلعي ۾ سرڪاري ملازمن جون موڪلون رد، سمنڊ ۾ وڃڻ تي پابندي بعد کارو ڇاڻ، ڪيٽي بندر، گهوڙا ٻاري، جنگي سر ۽ ٻين ساحلي علائقن ۾ مهاڻن هَوڙا بيهاري ڇڏيا.
