لاڙڪاڻو(ن پ ا) قمبر ۾ اڻڄاتل هٿياربندن جي فائرنگ ۾ ننڊ ستل ٻه ڄڻار مارجي ويا آهن.
قمبر_ لاڙڪاڻي روڊ تي شادي حال جي ٻاهر ننڊ ستل پورهيتن مٿان هٿياربندن فائرنگ ڪئي، جنهن جي نتيجي ۾ ٻه ڄڻا مارجي ويا.
مارجي ويلن جي سڃاڻپ پنجاب جي شهر رحيم يار خان واسي عمران ۽ عبدالله ڪمبوهه طور ٿي آهي جيڪي ٿريشر جا مڪينڪ هئا.
واقعي جي اطلاع تي پوليس پهچي مقتولن جا لاش پنهنجي تحويل ۾ وٺي اسپتال منتقل ڪري ڇڏيا.
ڊي آءِ جي لاڙڪاڻي مظھر نواز شيخ واقعي جو نوٽيس وٺندي ايس ايس پي قمبر شھدادڪوٽ سمير نور چنو کان رپورٽ طلب ڪري ورتي.
