قاضي احمد ويجهو هاءِ اسڪول مان تعليم حاصل ڪندڙ پرڻيل ناريءَ کي هيسائڻ جي الزام هيٺ هيڊ ماسٽر گرفتار ٿي ويو آهي
ميٽرڪ جي شاگردياڻي سعيده کوسو کي هيسائڻ جي الزام هيٺ ڳوٺ مصري خان کوسو هاءِ اسڪول جي هيڊ ماسٽر ذوالفقار کوسو ۽ استاد محبوب کوسو خلاف ڪيس داخل ڪيو ويو
شاگردياڻي سعيده کوسو جي مڙس پوليس اهلڪار محمد يونس کوسو ايف آءِ آر ۾ ڄاڻايو آهي ته سندس گهرواري سعيده هاءِ اسڪول ۾ ميٽرڪ جي شاگردياڻي آهي، استاد محبوب کوسو ساڻس غلط حرڪت ڪرڻ جي ڪوشش ڪئي، گهر شڪايت ڪرڻ تي هيڊ ماسٽر ذوالفقار کوسو گهرواري کي آفيس گهرائي گارگند ڪيو ۽ ڌمڪيون ڏنيون
پوليس ڪيس داخل ڪرڻ بعد هيڊ ماسٽر کي گرفتار ڪري ورتو، ٻئي جوابدار جي گرفتاريءَ لاءِ ڪارروائيون جاري آهن
