ڪراچي: صوبائي وزير شرجيل ميمڻ ۽ سعيد غني چيو آهي ته سنڌي ججز جي لاءِ سپريم ڪورٽ کي نو گو ايريا بڻايو ويو، هن وقت ملڪ ۾ جڊيشل مارشل لا لاڳو آهي، ڇا سنڌي جج سپريم ڪورٽ جي لاءِ قبول ڪرڻ جوڳا نه آهن؟ هڪ مائينڊ سيٽ سنڌ کي نشانو بڻائي رهيو آهي
ڪراچي ۾ پريس ڪانفرنس ڪندي شرجيل ميمڻ چيو ته چئن دورن ۾ هڪ به سنڌي جج کي سپريم ڪورٽ ۾ مقرر نه ڪيو ويو، ٻڌايو وڃي ته سنڌي ججز سان تعصب وارو اهڙو رويو ڇو؟
هن چيو ته اڳوڻي چيف جسٽس افتخار چوڌري، ثاقب نثار، آصف سعيد کوسه ۽ گلزار احمد جي دورن ۾ سنڌ ۽ پيپلزپارٽي سان زيادتيون ٿيون، سنڌين جو ڪيس نه ٻڌو ويو
سعيد غني چيو ته هڪ سينيئر جج آئين جي بالادستي جي ڳالهه ڪري ٿو، ٻيا جج ڪنهن جي عشق ۾ مبتلا نظر اچن ٿا، عدليه ۾ موجود سٺن ماڻهن کي صورتحال جو نوٽيس وٺڻ گهرجي
سعيد غني چيو ته اختيارن جي غلط استعمال سان ملڪ جي صورتحال وڌيڪ خراب ٿي ويندي
