ڪراچي ( اسٽاف رپورٽر) جماعت اسلامي ڪراچي جي امير حافظ نعيم الرحمان چيو آهي ته ڪراچي جي عورتن حڪمرانن کان عزت ڀريو روزگار، سفري سھولت ۽ پيئڻ جي پاڻي سميت بنيادي سھولتون گھريون آھن، اسانجي حڪمرانن سدائين عورتن جو استحصال ڪري سندن حق غضب ڪيو آھي، ڪالهه هتي باغ جناح گرائونڊ ۾ عورتن جي جلسي کي خطاب ڪندي ھن چيو ته “حقوق ڪراچي“ رڳو ڪراچي لاءِ نه پر پوري ملڪ جي تحريڪ آھي، جنهن ذريعي آئيني ۽ قانوني حق وٺنداسين، ھن چيو ته ڪراچي ۾ ھڪ ڀيرو ٻيھر مڪاني اليڪشن ملتوي ڪئي وئي، اسين سنڌ حڪومت کي ڀڄڻ نه ڏينداسين ۽ پنهنجا بنيادي حق حاصل ڪنداسين، ان موقعي تي جماعت اسلامي عورت ونگ جي عطيه نثار، رخشنده منيب، اسما سفير ۽ ٻين عورت اڳواڻن خطاب ڪندي چيو ته سنڌ ۾ 15 سالن کان پ پ جي حڪومت آھي، انهي باوجود سنڌ واسي بنيادي سھولتن کان محروم آھن