حسن ۽ حسين نواز جي بريت جي درخواستن تي نيب کي رڪارڊ جمع ڪرائڻ لاءِ 19 مارچ تائين مهلت ڏني وئي آهي
ايون فيلڊ، العزيزيه ۽ فليگ شپ ريفرنسز ۾ حسن ۽ حسين نواز جي بريت جي درخواستن تي نيب کي رڪارڊ جمع ڪرائڻ لاءِ 19 مارچ تائين مهلت ڏني وئي
احتساب عدالت اسلام آباد جي جج ناصر جاويد راڻا حسن ۽ حسين نواز جي بريت جي درخواستن تي ٻڌڻي هلائي
حسن ۽ حسين نواز جو وڪيل قاضي مصباح، نيب پراسيڪيوٽر افضل قريشي، سهيل عارف ۽ عثمان مسعود عدالت آڏو پيش ٿيا
نيب عدالت کان رڪارڊ جمع ڪرائڻ لاءِ مهلت طلب ڪئي، عدالت نيب کي 19 مارچ تائين مهلت ڏيندي ٻڌڻي ملتوي ڪري ڇڏي
