لاهور (اسپورٽس نيوز) پي ايس ايل 7 جي فائينل ميچ ۾ اڄ ملتان سلطانز ۽ لاهور قلندرز جون ٽيمون قذافي اسٽيڊيم لاهور ۾ شام 7:30 وڳي آمهون سامهون ٿينديون
آءِ سي سي جي ايليٽ پئنل ۾ شامل عليم ڊار ۽ رچرڊ ايلنگ ورٿ فائنل ۾ امپائرنگ جا فرض انجام ڏيندا. ٻئي امپائر اڄ ملتان سلطانز ۽ لاهور قلندرز وچ ۾ قذافي اسٽيڊيم لاهور ۾ ٿيندڙ فائنل ۾ آن فيلڊ امپائرنگ جا فرض نڀائيندا
آءِ سي سي ايليٽ پئنل جو ميمبر مائيڪل گف ليگ جي فائنل ۾ ٿرڊ امپائر، جڏهن ته احسن رضا فورٿ امپائر جي حيثيت سان ذميواريون نڀائيندو. پي ايس ايل 7 جي فائنل ۾ پليئنگ ڪنٽرول ٽيم جي سربراهي آءِ سي سي جو ميچ ريفري روشن ماهناما ڪندو.