ٽن ميچن تي ٻڌل ٽي ٽوئنٽي سيريز جي ٻئين ميچ ۾ پاڪستان ويسٽ انڊيز کي کٽڻ لاءِ 173 رنسن جو ٽارگيٽ ڏنو
ڪراچي ۾ کيڏي ويندڙ ٻي ٽي ٽوئنٽي ميچ ۾ پاڪستان ويسٽ انڊيز خلاف ٽاس کٽي پهريان بيٽنگ جو فيصلو ڪيو
پاڪستان طرفان مقرر 20 اوورن ۾ 8 وڪيٽن جي نقصان تي 172 رنسون ٺاهيون، محمد رضوان 38 ۽ افتخار احمد 32 رنسون ٺاهي نمايان رهيا
Pakistan win toss, elect to bat first.#PAKvWI#HumTouKhelainGey pic.twitter.com/JnuE6NXYpT
— Pakistan Cricket (@TheRealPCB) December 14, 2021
پاڪستان جي اننگز
ٻئي ميچ ۾ پاڪستاني ٽيم جي شروعات سٺي نه رهي ۽ ڪپتان بابر اعظم 7 رنسون ٺاهي رن آئوٽ ٿي ويو
Early loss for Pakistan, Babar Azam in run out!#PAKvWI#HumTouKhelainGey pic.twitter.com/wNWyZVt2fa
— Pakistan Cricket (@TheRealPCB) December 14, 2021
پاڪستان جي ٻي وڪيٽ 38 رنسن تي ڪري جڏهن فخر زمان 10 رنسون ٺاهي پويلين موٽي ويو
2 وڪيٽون وڃائڻ کانپوءِ رضوان ۽ حيدر علي ٽيم جو اسڪور 86 رنسن تائين پهچايو، رضوان 38 رنسن تي ڪيچ آئوٽ ٿي ويو جڏهن ته حيدر علي به 31 رنسون ٺاهي پويلين موٽيو
پاڪستان جي پنجين وڪيٽ 111 رنسن تي ڪري پئي جڏهن محمد نواز صرف هڪ رنسون ٺاهي آئوٽ ٿي ويو جڏهن ته آصف علي به اسڪور ڪرڻ ۾ ناڪام ويو ۽ 9 رنسون ٺاهي پويلين موٽي ويو
آخري اوورن ۾ افتخار احمد ۽ شاداب خان جارحاڻي بيٽنگ ڪندي ٽيم جو اسڪور مقرر 20 اوورن ۾ 172 تائين پهچايو
محمد افتخار 19 بالن تي 32 رنسون ٺاهي آئوٽ ٿيو جڏهن ته شاداب 12 بالن تي 28 رنسون ٺاهي ناٽ آئوٽ رهيو
ويسٽ انڊيز طرفان اوڊين سمٿ 2 جڏهن ته عقيل حسين، اوشن ٿامس، روماريو ۽ والش هڪ هڪ وڪيٽ ورتي
واضح رهي ته پاڪستان پهرين ٽي ٽوئنٽي ميچ ۾ ويسٽ انڊيز کي 63 رنسن تان شڪست ڏئي ٽن ميچن جي سيريز ۾ 0-1 جي سرسي حاصل ڪري ورتي آهي
