ڪراچي (اسٽاف رپورٽر) آل پاڪستان متحدہ اسٽوڊنٽس آرگنائزيشن ( اي پي ايم ايس او) ڪراچي جي صدر شرجيل بيگ مغل مطالبو ڪيو آھي ته ايم ڊي ڪيٽ ۾ ٿيل بيقاعدگين جو نوٽيس وٺي اعليٰ سطح جاچ ڪميشن جوڙي ٽيسٽ ڏيندڙ اميدوارن جو مستقبل بچايو وڃي، ڪالهه پريس ڪلب ۾ پريس ڪانفرنس ڪندي ھن چيو ته تازو ميڊيڪل ڪاليجن ۾ داخلا لاءِ ڪرايل ٽيسٽ جا نتيجا ويب سائيٽ تي جاري نه ڪيا ويا آهن، هن چيو ته ٽيسٽ پيپر ۾ ڪيتريون غلطيون ڪيون هيون، نصاب کان ٻاهر ( آئوٽ آف ڪورس ) شامل ڪيا ويا هئا، هن چيو ته ايم ڊي ڪيٽ ٽيسٽ ۾ ٿيل بدانتظامي کان تنگ ٿي بلوچستان ۾ هڪ شاگردياڻي سدرہ خودڪشي ڪري ڇڏي آهي، هنن سوال اٿاريو ته سنڌ ۾ اهڙو واقعو پيش آيو ته انهي جو ذميوار ڪير هوندو؟ ھوڏانھن شاگردن جي ھڪ وفد سنڌ جي گورنر ڪامران ٽسوري سان گورنر ھائوس ۾ ملاقات ڪري ميڊيڪل ۾ داخلا لاءِ نصاب کان ٻاھر ورتل ٽيسٽ بابت شڪايت ڪئي، سنڌ جي گورنر کين خاطري ڪرائي ته ھو لاڳاپيل اختيارين سان ڳالھائي شاگردن کي انصاف ڏيارڻ ۾ مدد ڪندو