ميرپورٻرڙو(ن پ ا) ميرپور ٻرڙو ڀرسان ڳوٺ محبوب علي چنو ۾ چنا برادري ۾ هلندڙ ڪارنهن تڪرار جو جرڳي جو انڪشاف ٿي آهي، جنهن ۾ ڪارنهن الزام هيٺ ڌر مٿان مجموعي طور 7 لک رپيا ڏنڊ مقرر ڪيو ويو آهي.
ذريعن جو چوڻ آهي ته سردار غازي چنو جي بنگلي تي سردار احمد علي خان چنو جي سرپئنچي ۾ چنا برادري جي ٻن ڌرين ۾ هلندڙ ڪارنهن تڪرار جو جرڳو ڪيو ويو.
جرڳي ۾ ڪارنهن الزام هيٺ آيل ڌر نثار چنو مٿان 7 لک رپيا ڏنڊ وڌو ويو، پنجاھ هزار رپيا موقعي تي ۽ باقي رقم ٽن قستن ۾ ڳاڙهي ڌر صابُل چنو کي ادا ڪندي، جرڳي بعد ڌريون کير کنڊ ٿي ويون.
ٻئي پاسي پوليس روايتي طور جرڳي کان بي خبري ڄاڻائيندي چيو ته جرڳو ڪٿي ۽ ڪيئن ٿيو، پاڻ کي جرڳي بابت ڪا به خبر ناهي.
