ماڙي جلباڻي جي متاثرن نگران وڏي وزير جي جاچ ڪميٽيءَ تي بي اعتمادي ظاهر ڪندي جڊيشل ڪميشن قائم ڪرڻ جو مطالبو ڪري ڇڏيو
فائرنگ ۾ مارجي ويل 4 نوجوانن جي وارثن پريس ڪانفرنس ڪندي چيو ته انصاف لاءِ پرامن جدوجهد ڪرڻ جي ڏوهه ۾ ڪيس داخل ڪري هيسايو پيو وڃي، اسان جي نوجوانن کي بي گناهه قتل ڪيو ويو، انصاف ڏيڻ بدران 250 ڳوٺاڻن تي ڪوڙو ڪيس مڙهيو ويو
متاثرن موجب رات دير سان ڊي ايس پي سڪرنڊ ۽ ايس ايڇ او جي اڳواڻي ۾ پوليس سمورو رڪارڊ کڻي ماڙي جلباڻي ٿاڻي کي تالو هڻي ڇڏيو
خدشو آهي ته ٿاڻي کي باهه ڏئي اسان تي ڪيس داخل ڪيو ويندو، اسان پرامن ماڻھو آھيون، پرامن جدوجهد تي يقين رکون ٿا، انصاف لاءِ اعليٰ عدالتن جو در کڙڪائينداسين
