اڪري چودڳي (رپورٽر) اڪري چودڳي ويجهو پراڻي تڪرار تان فائرنگ ۾ 2عورتون قتل ٿي ويون، ڳوٺ درگاهي مگسي ۾ ٻن ڌرين ۾ هلندڙ پراڻي تڪرار تان فائرنگ ۾ 2 عورتون مارجي ويون آهن
محبوب ۽ نيڪ محمد مگسي ڌرين ۾ پراڻو تڪرار ٻيهر ڀڙڪي پيو، هڪٻئي تي ڇتي فائرنگ ڪئي وئي
فائرنگ جي نتيجي ۾ مختيار خاتون ٿڏي تي مارجي وئي، مسمات ناظمه ۽ الطاف مگسي زخمي ٿي پيا، عورت جي لاش ۽ زخمين کي اسپتال منتقل ڪيو ويو، زخمين مان 25ورهين جي ناظمه مگسي اسپتال ۾ دم ڏئي ڇڏيو
ڊي ايس پي ٺري ميرواهه، ايس ايڇ او فيض گنج ۽ايس ايڇ او اڪري واقعي واري هنڌ پهچي ويا، هڪ ڌر جا 3 ڄڻا گرفتار ڪيا ويا، نيڪ محمد مگسي ۽ محبوب مگسي ڌرين جا هڪٻئي تي اڳرائي ڪرڻ جا الزام هنيا ويا