اپوزيشن عثمان بزدار خلاف به بي اعتمادي رِٿ جمع ڪرائي ڇڏي

ڪراچي (ڊيسڪ رپورٽ) اپوزيشن وزيراعظم کانپوءِ پنجاب جي وڏي وزير کي سوڙهو ڪرڻ لاءِ سندرا ٻڌي ورتا، پنجاب اسيمبلي سيڪريٽريٽ ۾ عثمان بزدار خلاف بي اعتمادي رِٿ جمع ڪرائي ڇڏي

اپوزيشن اسيمبلي جو اجلاس سڏائڻ لاءِ ريڪيوزيشن به جمع ڪرائي ڇڏي، رِٿ ۾ عثمان بزدار جي ڪارڪردگي تي تنقيد ڪندي چيو ويو آهي ته پنجاب ۾ معاملا آئين تحت نٿا هلايا وڃن، عثمان بزدار جمهوري روايتن کي ختم ڪري ڇڏيو آهي

رِٿ تي نواز ليگ جي 122 ۽ پيپلز پارٽي جي 6ميمبرز جون صحيحون ٿيل آهن، اسپيڪر 14 ڏينهن ۾ رِٿ پيش ڪرڻ لاءِ اجلاس گهرائڻ جو پابند آهي، بي اعتمادي بعد وڏو وزير اسيمبلي ٽوڙي نه سگهندو

پنجاب اسيمبلي ۾ پي ٽي آءِ جا 183 ۽ ن ليگ جا 165 ميمبرز آهن، ق ليگ  جا 10 جڏهن ته پيپلز پارٽي وٽ 7 ميمبرز آهن، پنجاب اسيمبلي ۾ 5 آزاد ميمبر آهن ۽ هڪ ميمبر جو تعلق راه حق پارٽي سان آهي

آئين موجب اپوزيشن طرفان بي اعتمادي جي رٿ جمع ڪرائڻ کانپوءِ هاڻي اسپيڪر 14 ڏينهن ۾ اسيمبلي جو اجلاس گهرائڻ جو پابند آهي، اپوزيشن ۽ حڪومت کي پنهنجا نمبرز پورا ڪرڻا آهن

ھي به پڙھندا

اليڪشن ڪميشن ڊيڊي جهڙو سلوڪ ڪري رهيو آهي: اٽارني جنرل