قومي عوامي تحريڪ جي سربراهه اياز لطيف پليجو وزيراعظم شهباز شريف کي خط لکي آدمشماري تي خدشا ظاهر ڪيا آهن
خط ۾ اياز لطيف پليجو چيو آهي ته هڪ لساني ڌڙي جي اثر هيٺ آدمشماري ڪرائي پئي وڃي، سنڌ کي آدمشماري تي شديد خدشا آهن، اهم معاملي ۾ ناانصافي تي صوبي جا ماڻهو خاموش نه ويهندا
خط موجب قومي عوامي تحريڪ سوڌو سنڌ جي ٻين سياسي پارٽين به آدمشماري کي رد ڪري ڇڏيو آهي، اهو نظر اچي پيو ته مخصوص رٿابندي تحت سنڌ ۾ ٻهراڙي جي آبادي کي گهٽايو پيو وڃي
اياز لطيف پليجو وزير اعظم کي لکيو ته ڪوهستان، ٿر، ڪاڇي ۽ ساحلي پٽي سوڌو سنڌ جي ڪيترن ئي علائقن جي آبادي کي نه ڳڻيو ويو آهي، جڏهن ته اياز لطيف پليجو سنڌ مخالف ۽ تڪراري آدمشماري روڪڻ جو به مطالبو ڪيو
