اسلام آباد: اليڪشن ڪميشن کانپوءِ وفاقي سرڪار به اسلام آباد ۾ مڪاني چونڊون ڪرائڻ کان معذرت ڪري ڇڏي
اليڪشن ڪميشن ۽ وفاقي سرڪار پاران اسلام آباد هاءِ ڪورٽ ۾ انٽرا ڪورٽ اپيلون داخل ڪرايون ويون آهن
وفاقي حڪومت ۽ اليڪشن ڪميشن طرفان اسلام آباد ۾ اڄ مڪاني چونڊون ڪرائڻ وارو اسلام آباد هاءِ ڪورٽ جو فيصلو ڪالعدم قرار ڏيڻ جي استدعا ڪئي وئي آهي
اليڪشن ڪميشن جي اپيل ۾ چيو ويو آهي ته ايتري مختصر وقت ۾ چونڊون ڪرائڻ ممڪن نه آهي، پرزائيڊنگ آفيسرز ۽ پولنگ عملي جو انتظام نه ٿو ڪري سگهجي
وفاقي حڪومت به مڪاني چونڊن لاءِ سيڪيورٽي ۽ ٻيون سهولتون فراهم ڪرڻ کان معذرت ڪري ڇڏي
وفاقي سرڪار پاران ايڊيشنل اٽارني جنرل منور اقبال انٽرا ڪورٽ اپيل داخل ڪرائي، اپيل ۾ چيو ويو آهي ته اسلام آباد هاءِ ڪورٽ جي سنگل بينچ جو اڄ چونڊون ڪرائڻ وارو فيصلو ڪالعدم قرار ڏنو وڃي