پاڪستان گائيڊڊ راڪيٽ فتح ٽُو جو ڪامياب تجربو ڪري ورتو آهي
آءِ ايس پي آر پاران جاري ڪيل بيان ۾ چيو ويو آهي ته گائيڊڊ راڪيٽ فتح ٽُو جي رينج 4 سئو ڪلوميٽرز آهي
تجربي جو مقصد لانچ جي مشقن ۽ طريقيڪار کي مڪمل ڪرڻ هو، فتح ٽُو جديد ترين نيويگيشن سسٽم سان ليس آهي
پاڪ فوج جي ترجمان موجب فتح ٽُو درستگي سان هدفن کي نشانو بڻائڻ ۽ ڪنهن به ميزائيل دفاعي نظام کي شڪست ڏيڻ جي صلاحيت رکي ٿو
فتح ٽو راڪيٽ سسٽم کي پاڪستان جي آرٽلري ڊويزنز ۾ شامل ڪيو پيو وڃي، چيف آف جنرل اسٽاف ۽ فوج جي ٻين اعليٰ آفيسرز راڪيٽ سسٽم جي لانچنگ جو مشاهدو ڪيو
صدر آصف علي زرداري، وزيراعظم شهباز شريف، چيئرمين جوائنٽ چيفس آف اسٽاف ڪميٽي ۽ ٽنهي هٿياربند فوجن جي سربراهن ڪامياب تجربي تي پاڪ فوج ۽ قوم کي واڌايون ڏنيون