ڊي جي رينجرز ميجر جنرل اظهر وقاص پاران سنڌ جي ڪچي وارن علائقن جو دورو، علائقي جي سيڪٽر ڪمانڊر پاران ڊي جي رينجرز کي ڪچي ۾ ڌاڙيلن خلاف جاري آپريشنز بابت بريفنگ ڏني وئي
ڊي جي رينجرز کي ٻڌايو ويو ته مارچ 2024 کان جاري آپريشنز دوران نيشنل هاءِ وي تي ڦر، ڌاڙن ۽ اغوا جي وارداتن ۾ ملوث گينگز خلاف 45 ڪارروائيون ڪيون ويون
ڪارروائين دوران ارسلا سبزوئي، نندواڻي، ڪوڪاري ۽ ٻيلو بنگلاڻي گينگز جا 127 ڏوهاري گرفتار ڪيا ويا، مجموعي طور پاڪستان رينجرز سنڌ جي 122 آپريشنز دوران 239 ڌاڙيل، ڦورو ۽ ٻيا ڏوهاري گرفتار ڪيا ويا
ڪنڌڪوٽ جي ڀر پاسي جي علائقن ۾ ڌاڙيلن ۽ ڏوهارين جا ٺڪاڻا ڊاهي پٽ ڪيا ويا، ڊي جي رينجرز ڪچي ۾ ڌاڙيلن جي ٿاڪن جو فضائي جائزو به ورتو
ڊي جي رينجرز پاران موٽر وي ۽ انڊس هاءِ وي تي شهرين جي اچ وڃ محفوظ بڻائڻ لاءِ گشت وڌائڻ ۽ چوڪيون وڌيڪ فعال ڪرڻ جي هدايت ڪئي وئي
