ڪراچي: گورک هل ڊولپمينٽ اٿارٽي جي ڊي جي رفيعه حليم گورک جي زمين جي سروي واري معاملي کان لاعلمي ( بي خبري ) ظاهر ڪئي، پنهنجي اخبار سان ڳالهائيندي هن چيو ته آئون حيدرآباد ۾ آهيان، ان معاملي بابت ڄاڻ ناهي، آفيس وڃي ئي ڪجهه ٻڌائي سگهان ٿي. ٻئي طرف گورک اٿارٽي جي گورننگ باڊي جي ميمبر ۽ جوهي مان چونڊيل پ پ ايم پي اي سيد صالح شاهه جيلاني ٻڌايو ته کيس گورنننگ باڊي جي ميمبر هجڻ بابت نوٽيفڪيشن ناهي مليو، جڏهن مليو ته اوهان کي ڪجهه ٻڌائي سگهندس.
