اڳوڻي صدر آصف زرداري چيو آهي ته پيپلز پارٽي سڄي ملڪ ۾ عام چونڊن لاءِ اثرائتي مهم ۽ بهترين منشور سان ميدان تي لهندي
پيپلز پارٽي عوامي فيصلن جو اختيار عوام وٽ هجڻ واري فارمولي تي يقين رکي ٿي، جڏهن عوام کي حڪمراني جو حق ملندو آهي ته هيٺئين سطح تائين مسئلا حل ٿيندا آهن
اڳوڻي صدر آصف زرداري نوابشاهه ۾ پارٽي اڳواڻن ۽ ڪارڪنن سان ملاقاتن دوران چيو ته اسان هر دور ۾ عوامي راڄ آڻڻ لاءِ ڪم ڪيو آهي، پيپلز پارٽي هر دور جي بحرانن ۾ ملڪ کي سنڀاليو آهي
