سيالڪوٽ: ٽي وي اينڪر ۽ يو ٽيوبر عمران رياض چئن مهينن تائين گم رهڻ بعد گهر پهچي ويو آهي
سيالڪوٽ پوليس تصديق ڪندي چيو آهي ته 11 مئي 2023 تي پوليس جي حراست مان آزادي بعد گم ٿيل عمران رياض خان پنهنجي گهر پهچي ويو آهي
عمران رياض جي وڪيل ميان علي اشفاق به عمران رياض جي بازيابيءَ جي تصديق ڪري ڇڏي
پوليس موجب عمران رياض کي 11 مئي تي سيالڪوٽ ڊسٽرڪٽ جيل مان آزاد ڪيو ويو هو، جنهن بعد هو گم ٿي ويو هو
عمران رياض جي والد پٽ جي بازيابيءَ لاءِ لاهور هاءِ ڪورٽ ۾ پٽيشن داخل ڪرائي هئي، لاهور هاءِ ڪورٽ 20 سيپٽمبر تي آخري ٻڌڻي دوران آءِ جي پنجاب کي عمران رياض جي بازيابيءَ لاءِ 26 سيپٽمبر تائين جي مهلت ڏني هئي
