ٽنڊوالهيار(ن پ ا) ٽنڊو الهيار ڪراچي جي وڪيل امتياز ميرجت ڊي جي نيب، ايف آءِ اي، سنڌ هاءِ ڪورٽ ڪراچي ۽ چيئرمئن اينٽي ڪرپشن کي ٽنڊو الهيار جي نالي واري ٺيڪيدار پرويز سمون جي اثاثن جي انڪوائري لاءِ ليٽر موڪلي ڇڏيو، جنهن ۾ هن ٻڌايو ته پرويز سمون 2010 ۾ ٽي ايم اي جهنڊو مري ۾ ڪانٽريڪٽر هوندي ڪرپشن ڪري جيڪي اثاثا ٺاهيا انهن ۾ 650 ايڪڙ زرعي زمين، 30 ايڪڙ زمين احمد خان ڪولاچي جي نالي، 10 ايڪڙ زمين نصرپور ۾، 55 ايڪڙ زمين پارٽنر شپ ۾ پنهنجي عزيز سان، 20 ايڪڙ تي ٺهيل فارم هائوس، هڪ ولا 200 گز جو بحريه ٽائون ۾، هڪ ولا اسپورٽس سٽي بحريه ٽائون ۾،10 پلاٽ ٽنڊو الهيار جي مختلف علائقن ۾، 50 ڪمرشل دڪان ٽنڊو الهيار شهر ۾، مختلف پيٽرول پمپس، مختلف 5 گاڏيون، ائين 10 فرضي ماڻهن جي نالي ڪانٽريڪٽر ڪمپنيون به آهن، ان حوالي سان هن ادارن کي جاچ ڪرڻ گهرجي جنهن لاءِ ليٽر موڪليو ويو آهي، ان ڏس ۾ رابطو ڪرڻ تي ٽنڊوالهيار جي نالي واري ٺيڪيدار پرويز سمون چيو ته مون کي بليڪ ميل ڪيو پيو وڃي، جيڪڏهن مون کي ادارن گهرايو ته منهن ڏيندس.
Home سڀ کان وڌيڪ پڙهيون ويندڙ خبرون ٽنڊو الهيار واسي وڪيل جو ٺيڪيدار پاران اربين روپيا اثاثا ٺاهڻ جي...