آءِ سي سي ڪرڪيٽ ورلڊ ڪپ 2023 کٽيندڙ ٽيم لاءِ انعامي رقم جو اعلان ڪري ڇڏيو آهي
ڪرڪيٽ ورلڊ ڪپ ايندڙ مهيني ڀارت ۾ شروع ٿيندو، جنهن ۾ پاڪستان ۽ ڀارت سميت 10 ٽيمون شريڪ ٿينديون، 10 ٽيمن کي ٻن گروپن ۾ ورهايو ويو آهي
ٽورنامينٽ جي پهرين ميچ 5 آڪٽوبر تي ٿيندي، جڏهن ته پاڪستاني ٽيم پنهنجي پهرين ميچ 6 آڪٽوبر تي نيڌر لينڊ خلاف کيڏندي، پاڪ-ڀارت دنگل 14 آڪٽوبر تي احمد آباد ۾ ٿيندو، ورلڊ ڪپ دوران مجموعي طور 48 ميچز کيڏيون وينديون ۽ فائنل 19 نومبر 2023 تي ٿيندو
آءِ سي سي طرفان ورلڊ ڪپ جي انعامي رقم جو اعلان ڪيو ويو آهي، جنهن ۾ ٻڌايو ويو آهي ته ٽورنامينٽ ۾ مجموعي طور 10 ملين آمريڪي ڊالرز انعامي رقم طور رکيا ويا آهن
ون ڊي ورلڊ ڪپ کٽيندڙ ٽيم کي 40 لک ڊالرز ملندا، رنر اپ ٽيم جي حصي ۾ 20 لک ڊالرز ايندا
سيمي فائنل ۾ شڪست کائيندڙ ٽيمن کي 8 لک آمريڪي ڊالرز ملندا، جيڪي مجموعي طور 16 لک امريڪي ڊالرز ٿين ٿا
ناڪ آئوٽ مرحلي ۾ نه پهچندڙ ٽيمن کي هڪ هڪ لک ڊالرز ملندا، جڏهن ته گروپ مرحلي جي ميچز کٽيندڙ ٽيم کي 40 هزار ڊالرز ملندا، مطلب 45 ميچز ۾ مجموعي طور هڪ لک 82 هزار ڊالرز جي رقم رکي وئي آهي
هن کي به پڙهندا
ورلڊ ڪپ لاءِ قومي ٽيم جو اعلان: حسن جي واپسي: شاداب نائب ڪپتان مقرر
