نوري آباد ويجهو برسات دوران مسافر ڪوچ ۽ ڄاڃين سان ڀريل ڪوسٽر ڪلٽي، موٽر وي تي حادثي سبب شهدادڪوٽ واسي پيءُ پٽ سميت 5 ڄڻا فوت ٿي ويا
واقعن ۾ 35 کان وڌيڪ ماڻهو زخمي ٿي پيا، فوتين جا لاش حيدرآباد ۽ زخمي ڪراچي اسپتال منتقل ڪيا ويا
فوتين ۾ شهدادڪوٽ واسي علي جان مگسي، سندس 5 سالن جو پٽ مجاهد، اڪبر مگسي، دريا خان مري واسي غلام شبير چانڊيو ۽ هڪ عورت شامل
زخمين ۾ خدابخش، منور علي، محمد يعقوب، فرزانا، ندا، ڪوڙل، شمائلا، مشيران، ثانيا، شهربانو ۽ ٻيا شامل آهن
حادثي جو شڪار ڪوچ ڪرچي کان شهدادڪوٽ ۽ ڄاڃين سان ڀريل ڪوسٽر دريا خان مري طرف وڃي رهيو هو، ڪوسٽر ۾ سوار گهوٽ جو پيءُ اجل جو شڪار، شاديءَ جون خوشيون ماتم ۾ تبديل ٿي ويون
نوري آباد حادثي جا 14 زخمي حيدرآباد جي سول اسپتال منتقل، زخمي تڙپندا رهيا، ڊاڪٽرز ۽ عملو غائب رهيو، وارثن جو احتجاج
زخمين جو بهتر علاج نه ٿيڻ ۽ سهولتون نه ملڻ جون دانهون، وارثن موجب زخمي تڙپي رهيا آهن، سندن علاج نه ٿو ڪيو وڃي، سِرنج کان ويندي هر شئي ٻاهران وٺي اچڻي پوي ٿي