ڪراچي (ڊيسڪ رپورٽ) ”منهنجيون ڌيئرون غربت ۽ بيروزگاري سبب قتل ٿيون آھن، مان 2010ع ۾ بيواهه ٿيس، ان کان پوءِ ماڻهن جي گهرن ۾ محنت مزدوري ڪئي ۽ ٻارن کي پاليو، مان پاڻ بک مرندي ھيس پر ٻارن کي کارائيندي ھيس، منهنجي سڄي زندگي جي ڪمائي برباد ٿي وئي، مان برباد ٿي ويس
اھي ڳالھيون پنجاب صوبي جي ضلعي شيخوپوره جي علائقي فيروز والا ۾ ٻن مقتول ڀينرن جي ماءُ تسليم بي بي ڪيون، سندس پٽ پنھنجي ڀينرن کي ان وقت قتل ڪيو جڏھن ھو گھر کان ٻاھر نڪري روزگار جي ڳولا ۾ نڪتيون، ھن چيو تھ ”مون کي ٻه پٽ ۽ ٻه ڌيئرون آهن، گهريلو تنگي سبب منهنجي گهر ۾ اڪثر جهيڙا ٿيندا هئا، ان دوران منهنجي 23 سالن جي وڏي ڌيءَ جنهن جي 6 مهينا اڳ شادي ٿي هئي، طلاق بعد گهر موٽي آئي
”منهنجي ٻنھي ڌيئرن گهر جي دٻاءُ سبب ڪم ڪرڻ پئي چاهيو، پر منهنجي پٽ کين منع ڪيو، واقعي کان اڳ رات به ساڳئي معاملي تي گهر ۾ جهيڙو ٿي پيو، منهنجي ٻن ڌيئرن ڪم جي ڳولا ۾ ٻاهر وڃڻ چاهيو، پر منهنجي پٽ انڪار ڪيو
تسليم بي بي پاران داخل ڪيل ڪيس ۾ اهو به چيو ويو آهي ته ”مان بچاءَ لاءِ ويس ۽ کير وٺڻ وئي، پر جڏهن واپس آيس ته مقامي ماڻهن ٻڌايو ته منهنجي پٽ پنهنجي ٻن ڀينرن کي قتل ڪري فرار ٿي ويو آهي، جڏهن هوءَ گهر ۾ داخل ٿي ته هن پنهنجي وڏي ڌيءَ جو لاش گهر جي ڇت تي پيل ڏٺو جڏهن ته ننڍي ڌيءَ جو لاش پاڙيسري جي گهر جي ڇت تي پيل هو
ڪيس ۾ مقتول ڀينرن جي ماءُ جو چوڻ هو ته منهنجي پٽ ٻن ڀينرن کي بيدردي سان قتل ڪيو ۽ دشمني جو سبب گهر کان ڪم ڪار لاءِ نڪرڻ هو، فيروز والا جي ايس ايڇ او شاهه فيصل موجب جوابدار هن وقت فرار آهي پر جلد گرفتار ڪيو ويندو
”ٻئي ڀينرون ڪم جي ڳولا ۾ ٻاهر وڃڻ چاهين پيون،“ جوابدار کين ڏسندو رهيو ۽ جڏهن سندس ماءُ ڪنهن ڪم لاءِ گهر کان ٻاهر نڪتي ته پهريان هڪ ڀيڻ ۽ پوءِ ٻي ڀيڻ کي پنهنجي ئي رومال سان ڦاھو ڏئي قتل ڪيو
ھي به پڙھندا
