ڪراچي (انٽرويو+فقير سليم) پيپلزپارٽي جي ايم اين اي ۽ سروري جماعت جي روحاني پيشوا مخدوم جميل الزمان انڪشاف ڪيو آھي ته شهيد بينظير جي قتل جي رٿابندي ڪندڙ اصل قاتل گرفتار ٿيڻ گهرجن، شهيد بينظير ڀٽو تي فائر ڪندڙ قاتل به زنده آهي
پيپلز پارٽي جي ايم اين اي مخدوم جميل الزمان جو ٽائيم نيوز کي ڏنل خصوصي انٽر ويو ٽائيم نيوز تي اڄ شام 5 لڳي 10 منٽن تي نشر ڪيو ويندو
موٽر وي اسڪينڊل: گهوٻيون هنيل رقم بينڪ ۾ رکرائي وياج به کاڌو ويو: مخدوم جميل الزمان
ايم سڪس موٽر وي اسڪينڊل بابت وڏي دعويٰ ڪندي مخدوم جميل الزمان چيو ته گهوٻيون هنيل رقمون بينڪ ۾ رکرائي انهن تي وياج به کاڌو ويو
مخدوم جميل الزمان چيو ته موٽر وي ميگا اسڪينڊل جي ڪيترائي ادارا جاچ ڪري رهيا آهن، سموري جاچ جو فيصلو عدالتن مان ئي ايندو، اسڪينڊل جي حوالي سان مخدوم خاندان تي الزام ڪا نئين ڳالهه نه آهي، پارٽي ۽ خاندان جا دشمن اڳ به اسان جي ڪردار ڪشي جي ناڪام ڪوشش ڪندا رهيا آهن
عمران جي حڪومت غير جمھوري طريقي سان ڪيرائي وئي: مخدوم جميل الزمان
مخدوم جميل الزمان چيو تھ عمران خان جي حڪومت غير جمهوري انداز ۾ ڪيرائي وئي، حڪومت ڪيرائڻ لاءِ آئين جي مختلف شقن جا حوالا ڏنا ويا، سڀاڻي بلاول وزيراعظم بڻيو ته ساڳين شقن جا حوالا ڏئي سندس حڪومت به ڪيرائي ويندي، عمران خان کي 5 سال پورا ڪرڻ ڏنا وڃن ها
پيپلزپارٽي جي ايم اين اي ۽ سروري جماعت جي روحاني پيشوا مخدوم جميل الزمان چيو ته عمران خان کي قومي اسيمبلي ۾ واپس اچڻ گهرجي، عمران خان واپس آيو ته قومي اسيمبلي ڏانهن وڃڻ ۾ مزو به ايندو
پ پ ايم اين اي مخدوم جميل الزمان جا پنھنجي پارٽي بابت انڪشاف
مخدوم جميل الزمان چيو ته پارٽيءَ اندر ويٺل اسان جا مخالف رڳو اسان کي ئي نه پر پارٽيءَ کي به بليڪ ميل ڪري رهيا آهن
