ڪراچي(اسٽاف رپورٽر) سنڌ حڪومت ڪورونا ايس او پيز متعلق نوان حڪم جاري ڪري ڇڏيا
گھروکاتي طرفان جاري ڪيل نوٽيفڪيشن موجب انڊور گڏجاڻين توڙي انڊور شادي تقريبن ۾ 500 ماڻهن جي شرڪت جي اجازت هوندي، تقريب ۾ شرڪت ڪندڙ ماڻهن جو ويڪسينيٽيڊ هجڻ ضروري آهي
آئوٽ ڊور گڏجاڻين ۾ به ويڪسينيٽيڊ هجڻ لازمي آهي، ريسٽورنٽ ۽ هوٽلن ۾ به انڊور ۽ آئوٽ ڊور ڊائننگ جي اجازت هوندي، بغير ويڪسينيٽيڊ ماڻهن کي هوٽلن ۽ ريسٽورنٽس ۾ داخل ٿيڻ تي پابندي هوندي
جمز، سينيمائن، درگاهن، پارڪس ۽ اسپورٽس ڪلبس ۾ ويڪسينيٽيڊ ماڻهو داخل ٿي سگھندا، بسن، ريلن ۽ علائقائي پروازن ۾ مسافرن ۾ کاڌي پيتي جون شيون فراهم ڪرڻ تي 28 فيبروري تائين پابندي هوندي، 12 سالن کان گھٽ ۽ 12 سالن کان وڌيڪ عمر جا شاگرد تعليمي ادارن ۾ وڃي سگھندا، اها پابندي به ختم ڪئي وئي آهي، پبلڪ ٽرانسپورٽ ۾ 80 سيڪڙو مسافرن کي سفر جي اجازت ڏني وئي آهي پر ماسڪ پائڻ لازمي هوندو.
