حيدرآباد(ن پ ا) پراڻي سبزي مارڪيٽ کي نئين سبزي مارڪيٽ ڏانهن منتقلي بعد يونين اڳواڻن خلاف داخل ڊيوٽي اٽڪاءِ جي ڪيس وارو معاملو،عدالت پراڻي سبزي مارڪيٽ مان دڪاندارن کي شفٽ ٿيڻ خلاف روڪڻ ۽ سرڪاري ڪم ۾ مداخلت تي داخل ڊيوٽي اٽڪاءِ واري ڪيس مان واپارين جي تنظيم جي اڳواڻ سميت ڪيس 4 ڄڻن جي گرفتاري کان اڳ واري ضمانت منظور ڪري ورتي، ايڊيشنل سيشن جج نمبر 6 جي عدالت جوابدار عبدالرحمان آرائين, محمد يوسف, فرحان علي ۽ محمد اسلم سميت چئني جوابدارن کي 30,30 ھزار رپين جا مچلڪا جمع ڪرائڻ جو حڪم ڏنو، مارڪيٽ ڪاميٽي جي چوڪيدار شوڪت علي جي فرياد تي حالي روڊ ٿاڻي جي پوليس 2 ڏينهن اڳ نئين سبزي مارڪيٽ ۾ دڪان شفت نہ ڪرڻ ۽ دڪاندارن کي هل هنگامي خلاف اڪسائڻ جوڪيس داخل ڪيو ھو، جوابدارن وڪيل معرفت گرفتاري کان اڳ واري ضمانت لاءِ درخواست داخل ڪرائي هئي.
Home سڀ کان وڌيڪ پڙهيون ويندڙ خبرون حيدرآباد: واپاري اڳواڻ سميت 4 ڄڻن جي گرفتاري کان اڳ واري ضمانت...