پي ٽي آءِ چيئرمين جي گهر واري بشريٰ بي بي اسلام آباد هاءِ ڪورٽ جي چيف جسٽس عامر فاروق تي بي اعتمادي ظاهر ڪري ڇڏي
چيئرمين پي ٽي آءِ سان علحدگي ۾ ملاقات جي درخواست ڪنهن ٻي بينچ آڏو مقرر ڪرڻ جي استدعا ڪئي وئي
بشريٰ بي بي جي وڪيل درخواست ۾ چيو ته اسان جا جيترا به ڪيس توهان آڏو مقرر ٿيا انهن مان هڪڙي ئي قسم جا فيصلا اچي رهيا آهن، استدعا آهي ته اسان جا هن بينچ ۾ سمورا ڪيس ڪنهن ٻي بينچ آڏو مقرر ڪيا وڃن
چيف جسٽس عامر فاروق چيو ته توهان بلڪل نامناسب ڳالهه ڪري رهيا آهيو، ائين نه ڪيو، ٺيڪ آهي ان کي پوءِ ڏسي ٿا وٺون، عدالت بشريٰ بي بي جي بينچ تبديل ڪرڻ واري درخواست تي بار ڪائونسلز کي نوٽيس جاري ڪري ڇڏيا
