بلوچستان جي وڏي وزير ڄام ڪمال وزيراعظم عمران خان کي مشورو ڏنو آهي ته هو اوسي پاسي موجود پنهنجن ماڻهن تي نظر رکي ۽ وزيراعظم کي گهرجي ته هو پنهنجي وفاقي سطح جي پارٽي ميمبرن کي چوي ته هو بلوچستان جي گهرو معاملن ۾ مداخلت نه ڪن ته جيئن پي ٽي آءِ بلوچستان صوبي اندر پنهنجو ڪردار ادا ڪري سگهي
ڄام ڪمال اهڙو اظهار پنهنجي هڪ ٽويٽ ۾ ڪيو، بلوچستان جي وڏي وزير پنهنجي هڪ ٻي ٽويٽ ۾ ناليواري مفڪر ابن عربي جو هڪ مشهور قول به پيش ڪيو ۽ چيو ته صوبي ۾ هيءَ سياسي تحريڪ بلوچستان ۽ پاڪستان جي سياست ۾ هڪ نئين دور جي شروعات هوندي. هن چيو ته ٻن مهينن ۾ ڪيتريون ئي ڳالهيون کلي سامهون آيون آهن، ماڻهن جا چهرا ۽ سياست جا نام نهاد اصول سامهون آيا آهن. لالچ ۽ اقتدار جي هٻڇ، سازشن ۽ ڪيترن ئي هيروز کي به ڏٺو
بلوچستان جي وڏي وزير هڪ ٻئي ٽويٽ ۾ پنهنجي خلاف بي اعتمادي رٿ جو نالو کڻڻ کانسواءِ چيو ته اقتدار ۽ لالچ جا بکيا پنهنجو اهو شوق به پورو ڪري وٺن، صوبي کي ٿيندڙ نقصانن جا ذميوار بي اي پي جو ناراض گروپ، پي ڊي ايم ۽ ڪجهه مافيائون هوندا
ھي به پڙھندا
