”مون لکڻ کان اڳ قسم کنيو ھو ته سچ لکندس!“: نامياري ليکڪ محمد خان ابڙو جو ڪتاب جي مھورتي تقريب کي خطاب

ڪراچي: نامياري ليکڪ محمد خان ابڙو جي ڪتاب “وڃن سور سنڌا ڪيو” جي مھورتي تقريب ڪراچي پريس ڪلب پاران منعقد ڪئي وئي

مھورتي تقريب ۾ اطلاعات وارو صوبائي وزير سعيد غني،  حنا گيلاني، بخشڻ مهراڻوي، ھمسفر گاڏھي ۽ ٻيا شريڪ ٿيا

ان موقعي تي ڳالهائيندي صوبائي وزير سعيد غني چيو ته محمد خان ابڙو سان تعلق 26 سالن کان آهي ۽ اهو والد جي وقت کان آهي. محمد خان سان تعلق جدوجهد سان لاڳاپيل آهي ۽ يوسي سميت هر اليڪشن ۾ مون سان گڏ رهيو آهي، ڪي ٿورا دوست هوندا آهن، جيڪي زندگيءَ ۾ قابل اعتماد هوندا آهن

هن چيو ته  ڪتاب ۾ سچ لکڻ ضروري آهي پر اڌ سچ لکڻ غلط آهي، ڪجھ ماڻھو ته سچ لکي موت کانپوءِ ڇپائڻ جو خيال ڪندا آهن جيڪو غلط آهي، محمد خان جي ڪتاب ۾ تلخ لفظ لکيا ويا آهن، حال ۽ ماضيءَ جي عڪاسي وڏي جرئت آهي. هن چيو ته محمد خان ابڙو اخبار ۾ باقاعدگي سان لکڻ شروع ڪيو آهي

جڏهن هن کان پڇيو ويو ته هو ڪڏهن لکندو آهي ته هن چيو ته هو رات جو لکندو آهي ڇو ته هو سڄو ڏينهن ڪم ڪار سان هوندو آهي. هن چيو ته محمد خان سياست ۽ زندگي سميت سڀني پهلوئن تي لکيو آهي، تاريخ جو سچ لکڻ ناراضگي جو سبب ٿي سگهي ٿو.  ان موقعي تي ڳالهائيندي محمد خان ابڙي چيو ته مون ڪتاب ۾ جيڪو به لکيو آھي سچ لکيو آھي، مون لکڻ کان اڳ اھو قسم کنيو ھو ته سچ لکندس ۽ لکڻ ۾ ڪنهن سان به زيادتي نه ڪندس.