وفاقي حڪومت پاران نوان ٽيڪس لاڳو ۽ بجلي مهانگي ڪرڻ خلاف سکر ۽ خيرپور ۾ واپاري روڊن تي نڪري آيا، ريليون ۽ ڌرڻا
سکر سمال ٽريڊرز پاران حاجي جاويد ميمڻ جي اڳواڻيءَ ۾ صرافه بازار کان ريلي ڪڍي گهنٽا گهر چوڪ تي ڌرڻو، ريليءَ ۾ مختلف واپاري تنظيمن جي اڳواڻن ۽ دڪاندارن جي ڀرپور شرڪت، شديد نعريبازي
خيرپور ۾ واپارين بجليءَ جي بلن ۾ ڳاٽي ٽوڙ واڌ خلاف پنجگلا چوڪ تي احتجاجي مظاهرو ڪري ڌرڻو هنيو
احتجاج ڪندڙن جو چوڻ هو ته بجلي مهانگي ٿيڻ سبب ڪاروبار کي ڪاپاري ڌڪ رسيو آهي، دڪاندارن ۽ عوام ۾ بجليءَ جا ڳرا بل ڀرڻ جيتري سگهه ناهي رهي، سليب ريٽ وارو نظام ختم ڪري عوام کي سستي بجلي فراهم ڪئي وڃي
