دادو (رپورٽر ) دادو ۾ مبينا پوليس مقابلن ۾ 2 ڄڻن کي زخمي حالت ۾ گرفتار ڪرڻ جي دعويٰ ڪئي وئي آهي، بي سيڪشن پوليس موجب دڙو لنڪ روڊ تي مقابلي دوران جوابدار فاروق پٽ بخشل خشڪ کي زخمي حالت ۾ گرفتار ڪيو ويو آهي، جوابدار جا 2 ساٿي فرار ٿي وڃڻ ۾ ڪامياب ٿي ويا، ٻئي طرف اي سيڪشن پوليس جو چوڻ هو ته آءِ بي اي ڪاليج ڀرسان مقابلي دوران اعجاز پٽ حيات لغاري کي زخمي حالت ۾ گرفتار ڪيو ويو آهي، پوليس دعويٰ ڪئي آهي ته گرفتار ٻنهي جوابدارن جي قبضي مان پسٽل هٿ ڪيا ويا آهن، گرفتار ٿيل جوابدارن خلاف اي سيڪشن ۽ بي سيڪشن پوليس پوليس مقابلي ۽ 13 ڊي جا الڳ الڳ ڪيس داخل ڪيا آهن. پوليس موجب گرفتار ٻنهي جوابدار کي سول جج دادو جي عدالت ۾ پيش ڪيو ويو، عدالت ٻنهي زخمين کي جيل ڪسٽڊي حوالي ڪيو آهي.