مانيٽري پاليسي جاري رکندي اسٽيٽ بئنڪ وياج جي شرح ۾ 2.5 سيڪڙو گهٽتائي ڪري ڇڏي
اسٽيٽ بئنڪ مانيٽري پاليسي جاري ڪندي ايندڙ ٻن مهينن لاءِ شرح سود ۾ 2.5 سيڪڙو گهٽتائي ڪري ڇڏي
اسٽيٽ بئنڪ موجب مانيٽري پاليسي ڪميٽي اڄ پنهنجي اجلاس ۾ پاليسي ريٽ 250 بيسسز پوائنٽس گهٽائي 15 سيڪڙو ڪرڻ جو فيصلو ڪيو آهي
مهانگائي توقع کان وڌيڪ تيز ٿي وئي آهي ۽ آڪٽوبر ۾ پنهنجي وچولي مدي واري هدف جي ويجهو پهچي وئي آهي، اسٽيٽ بئنڪ جو چوڻ آهي ته آءِ ايم ايف بورڊ پاڪستان جي نئين پروگرام جي منظوري ڏئي ڇڏي آهي جنهن سان غير يقيني صورتحال ختم ٿي وئي آهي ۽ پرڏيهي فنڊز جي آمد جا امڪان بهتر ٿيا آهن
اسٽيٽ بئنڪ جو چوڻ آهي ته آڪٽوبر ۾ ڪيل سروي ۾ صارفين ۽ ڪاروبار ٻنهي جي اعتماد ۾ بهتري ۽ مهانگائي جي اميدن ۾ گهٽتائي ظاهر ڪئي وئي آهي. پهرين چئن مهينن دوران، ٽيڪس گڏ ڪرڻ جي هدف کان گهٽ رهي
اسٽيٽ بئنڪ موجب موجوده شرح معاشي استحڪام کي مضبوط ڪندي ۽ پائيدار بنيادن تي معاشي ترقي حاصل ڪرڻ ۾ مدد ڪندي
ٻئي طرف وزيراعظم شهباز شريف چيو آهي ته اسٽيٽ بئنڪ به وياج جي شرح ۾ 250 پوائنٽس گهٽتائي ڪئي آهي، سود جي شرح 17.5 مان 15 سيڪڙو گهٽ ڪرڻ خوش آئند آهي
هن چيو ته شرح سود ۾ گهٽتائي سان ڪاروباري سرگرميون، برآمدات ۽ روزگار جا موقعا وڌندا
واضح رهي ته ان کان اڳ سيپٽمبر ۾ به اسٽيٽ بئنڪ آف پاڪستان وياج جي شرح ۾ 2 سيڪڙو گهٽتائي ڪئي هئي جنهن کانپوءِ شرح سود 17.5 سيڪڙو ٿي وئي هئي
