نئون ديرو (رپورٽ: نورمحمد سومرو) نئون ديرو ڀرسان ڪي ٽي ممتاز ٿاڻي جي حد ڪچي واري علائقي ڳوٺ غلام شيخ ٻاهران سنڌو درياھ واري جڪ ڀرسان ڌاڙيل مڇي ماريندڙ 3 ڄڻن نئون ديرو واسي سڪندر ميربحر، سليمان ميربحر ۽ ڳوٺ جهان خان ککراڻي واسي ديدار ککراڻي کي هٿيارن جي زور تي اغوا ڪري کڻي ويا
اطلاع بعد ڳوٺاڻا پنهنجي مدد پاڻ تحت ڌاڙيلن جو پيرو کڻي ڪچي طرف روانا ٿي ويا. ٿوري مفاصلي بعد ڳوٺاڻن ۽ ڌاڙيلن هڪٻئي مٿان فائرنگ جي ڏي وٺ به ٿي جنهن دوران ڌاڙيل مغوين کي يرغمال بڻائي درياءَ پار ڪرائي کڻي ويا
اطلاع تي ڪيٽي ممتاز ٿاڻي جي پوليس ڳوٺاڻن سان گڏ پيري پٺيان رواني ٿي وئي جتي ڏوهارين جو پيڇو ڪيو پيو وڃي. رابطو ڪرڻ تي ڳوٺاڻن ٻڌايو ته ڌاڙيلن مڇيءَ جي ٺيڪو کڻڻ بعد ديدار ککراڻي، سڪندر ميربحر ۽ سليمان ميربحر کان منٿلي جي گهر ڪئي هئي منٿلي نه ڏيڻ تي ڌاڙيل 3 ڄڻن کي اغوا ڪري ويا آهن
لاڙڪاڻو پوليس اسان جي ڪا به مدد ناهي ڪئي، اسان پنهنجي مدد پاڻ تحت ڌاڙيلن جو پيرو کنيو ۽ پيڇو ڪيو آهي
ٻئي طرف ڊي ايس پي نئون ديرو نثار بروهي موجب ڌاڙيل سنڌو درياھ مان مڇي ماريندي ٻيڙيءَ تان ٽن ڄڻن کي اغوا ڪري ويا آهن، ڌاڙيلن جو ٽولو مغوين کي درياھ پار ڪرائي مدئجي جي ڪچي طرف فرار ٿي ويا آهن
هي به پڙهندا
باڊهه مان نوجوان ناري مبينا طور اغوا، والد جي فرياد تي 3 ڄڻا گرفتار
