پنجاب جي سڌ سماءَ واري وزير عظميٰ بخاري چيو آهي ته گذريل ڏينهن کان عليمه باجي کي ڳولي رهي آهيان پر ڪٿي نظر نه اچي رهي آهي، پارا چنار ۽ ڪرم ۾ 80 کان وڌيڪ ماڻهو شهيد ٿي چڪا آهن، ڪي پي جو وڏو وزير وفاق تي چڙهائي لاءِ لشڪر وٺي اچي رهيو آهي، لاهور ۾ پريس ڪانفرنس ڪندي عظميٰ بخاري چيو ته سڄي پنجاب صوبي مان پي ٽي آءِ جا 80 ماڻهو گرفتار ڪيا ويا آهن، ان کان وڏي ٻي ڪهڙي شرمندگي جي ڳالهه آهي، ليڊر جي چوڻ تي رڳو 80 ماڻهو ٻاهر نڪتا، پنجاب جي عوام فتني کي رد ڪري ڇڏيو، کهنه پل تي گذريل ڏينهن 6 پوليس اهلڪار زخمي ٿيا، پوليس وين کي باهه ڏئي ساڙيو ويو، پر امن ۽ پي ٽي آءِ 2 ڌار شيون آهن، پي ٽي آءِ نه سياسي آهي نه ئي پر امن
