راولپنڊي ( م ڊ ) ليفٽيننٽ جنرل محمد عاصم ملڪ کي آءِ ايس آءِ جو نئون سربراهه مقرر ڪيو ويو آهي
ليفٽيننٽ جنرل عاصم ملڪ هن وقت جي ايچ ڪيو ۾ ايڊجوٽنٽ جنرل جا فرض سرانجام ڏئي رهيو آهي ۽ هو 30 سيپٽمبر تي پنهنجون نئين ذميواري سنڀاليندو. ليفٽيننٽ جنرل عاصم ملڪ ان کان پهريان بلوچستان انفنٽري ڊويزن ۽ وزيرستان ۾ انفنٽري بريگيڊ ڪمانڊ ڪري چڪو آهي
ان کانسواءِ هو چيف انسٽريڪٽر ڊي يو ۽ انسٽريڪٽر ڪمانڊ اينڊ اسٽاف ڪاليج ڪوئيٽا به طور به خدمتون انجام ڏئي چڪو آهي. ليفٽيننٽ جنرل عاصم ملڪ ان کان اڳ ملٽري آپريشنز ڊائرڪٽوريٽ ۾ به فرض سرنجام ڏئي چڪو آهي
عاصم ملڪ ليون ورٿ ۽ رائل ڪاليج آف ڊفينس اسٽيڊيز جو گريجويٽ به آهي، هو پنهنجي ڪورس ۾ اعزازي شمشير پڻ حاصل ڪري چڪو آهي
ذريعن موجب ليفٽيننٽ جنرل عاصم ملڪ فوجي خاندان سان واسطو رکي ٿو، سندس والد غلام محمد ليفٽيننٽ جنرل مقرر رهيو ۽ هن ڪور ڪمانڊر راولپنڊي طور پڻ خدمتون انجام ڏنيون. کيس ليفٽيننٽ جنرل نديم انجم جي جاءِ تي مقرر ڪيو ويو آهي
