ممبئي(اسپورٽس نيوز) ڀارتي ٽيم جي اڳوڻي ڪپتان مهندر سنگهه ڌوني 5 ليٽر کير پيئڻ ۽ واشنگ مشين ۾ لسي ٺاهڻ جي افواهن جو جواب ڏنو آهي. حال ۾، آءِ پي ايل فرنچائز ٽيم چنائي سپر ڪنگز جي ڪپتان ايم ايس ڌوني هڪ پروموشنل تقريب ۾ شرڪت ڪئي، جنهن دوران اڳوڻي ڀارتي ڪپتان کان پڇيو ويو ته هن پاڻ بابت سڀ کان عجيب افواهه ڪهڙي ٻڌي آهي. جواب ۾ ڌوني چيو ته، “مان روزانو 5 ليٽر کير پيئندو آهيان. ياد رهي ته 2000 جي ڏهاڪي ۾، افواهون سامهون آيون هيون ته ايم ايس ڌوني جي صحت جو راز روزانو 5 ڪلو کير جو استعمال هو، جڏهن ته ڌوني واشنگ مشين ۾ لسي ٺاهيندو آهي. ٻئي طرف، ڌوني واشنگ مشين ۾ لسي ٺاهڻ جي افواهن کي به رد ڪري ڇڏيو آهي. ماضي ۾، ڌوني هڪ انٽرويو ۾ اهو به چيو هو ته مان ڏينهن ۾ هڪ ليٽر کير پيئندو آهيان، پر ٻيو 4 ليٽر تمام گهڻو آهي. 43 سالن جي ڌوني 2020 ۾ بين الاقوامي ڪرڪيٽ تان رٽائر ٿيو پر اڃا تائين آءِ پي ايل جو حصو آهي. جيتوڻيڪ ڌوني اڄڪلهه گوڏن جي مسئلن سان جدوجهد ڪري رهيو آهي، پر هن سيزن ۾ هن صورتحال کي چڱي طرح سنڀاليو آهي، 8 ميچن ۾ 150 کان وڌيڪ جي اسٽرائڪ ريٽ سان 134 رنسون ٺاهيون آهن.
