دبئي (اسپورٽس ڊيسڪ)گڏيل عرب امارتن ۾جاري ٽي 10 ليگ ۾ بالر پرشناڪا رڳو ٽن بالن تي 30 رنس ڏئي وڌيون.ٽي_10 ليگ ۾ دهلي بلز ۽ ڀنگلا ٽائيگرز جي ٽيمن ۾ مقبالو ٿيو، جنهن ۾ بلز جي بيٽنگ دوران بنگلا ٽائيگر پاران سري لنڪن ڪپتان داشن شناڪا 9هون اوور ڪرائڻ آيو ۽ شروع وارين ٽن بالن تي 30 رنز ڏئي ويو. اوور جي پهرين بال تي بيٽر نکل چوڌري چوڪو هنيو، ان کان پوءِ ٻي بال نوبال ٿي ۽ ان تي به چوڪو لڳو، بعد ۾ شناڪا ٽين بال ڪرائي جيڪا پڻ نوبال هئي، ۽ بيٽر ان تي به چوڪو هڻي وڌو. اهڙي طرح صرف هڪ بال تي بالر 14 رنز ڏئي وڌيون. شناڪا وري بال ڪرائي جنهن تي چوڪو لڳو ۽ ان کان پوءِ ٻي بال تي به چوڪو لڳو، وري هڪ بال نوبال ڪرائي وئي، جنهن تي ڪا بائونڊي نه لڳي. شناڪا ان کانپوءِ وڌيڪ هڪ نوبال ڪرائي جنهن تي به چوڪو لڳو، ايئن اوور جي 3 ليگل بالن تي مجموعي طور تي 30 رنز ٺهي ويون. اوور جي باقي ٽن بالن تي شناڪا وڌيڪ 3 رنز ڏئي اوور ۾ مجموعي طور 33 اسڪور ڏئي ويو.
