نوٽ: هن خبر جا تفصيل 🔴لائيو شامل ڪيا پيا وڃن
ڪراچي(ويب ڊيسڪ) ڪراچي ۽ حيدرآباد جي 16 ضلعن ۾ مڪاني چونڊن لاءِ پولنگ مڪمل ٿيڻ بعد ووٽن جي ڳڻپ شروع ٿي وئي آهي
اليڪشن ڪميشن پولنگ جو وقت وڌائڻ وارو پي ٽي آءِ جو مطالبو رد ڪري ڇڏيو
اليڪشن ڪميشن جو چوڻ آهي ته پولنگ اسٽيشنز اندر موجود ووٽرز ووٽ ڏئي سگهندا،
ڪراچي جي 7 ئي ضلعن ڪياماڙي، سينٽرل، ڏکڻ، اوڀر اولهه، ملير ۽ ڪورنگي ۾ سخت سيڪيورٽي انتظامن هيٺ پولنگ مڪمل ٿي ويو آهي
ماتلي ميونسپل ڪميٽي جي وارڊ نمبر 11 تي جنرل ڪائونسلر طور آزاد اميدوار عبدالرئوف نظاماڻي 320 ووٽ کڻي ڪامياب ٿي ويو
غير حتمي ۽ غير سرڪاري نتيجن موجب تلهار ٽائون ڪميٽي جي وارڊ نمبر 6 تي پيپلز پارٽي جي ڪائونسلر طور اميدوار عثمان دلواڻي518 ووٽ کڻي ڪاميابي ماڻي آهي
حيدرآباد، ٽنڊو الهيار، ٽنڊو محمد خان، بدين، ٺٽو، سجاول، مٽياري، ڄامشورو ۽ دادو ضلعي ۾ به مڪاني چونڊن لاءِ پولنگ مڪمل ٿي ويو آهي
ڀان سيد آباد ٽائون ڪميٽي جي وارڊ نمبر 7 تي پاڪستان پيپلز پارٽي سان واسطو رکندڙ سيد زوار شاهه جنرل ڪائونسلر طور 93 ووٽ کڻي ڪامياب ٿي ويو آهي
مختلف ضلعن جي ڪجهه پولنگ اسٽيشنز تي سامان ۽ عملو دير سان پهچڻ جون شڪايتون سامهون آيون، صبح جي وقت ٿڌ سبب ويران پولنگ اسٽيشنز تي 12 وڳي کانپوءِ ووٽرز جو انگ وڌيل نظر آيو
مٽياري جي يوسي بائو ديرو جي وارڊ نمبر 4 تي جي يو آءِ سان واسطو رکندڙ جنرل ڪائونسلر لاءِ اميدوار دلشاد ڪلهوڙو264 ووٽ کڻي ڪامياب ٿيو آهي
ڀان سيد آباد ٽائون ڪميٽي جي وارڊ نمبر 6 تي پاڪستان پيپلز پارٽي جي جنرل ڪائونسلر لاءِ اميدوار قربان علي ٻٻر 212 ووٽ کڻي ڪاميابي ماڻي آهي